الرئيسية
من طرف نكت مغربية الموت ديال الضحك
-هدا واحد خينا مربي بزاااااااف كايدق باب التلاجة قبل ما يحلها.
-هدا واحد شرا ستيلو خضر هوا يطيبو.
-معكاز شرا ليه باه محل ديال دجاج باش يجمع راسو جات عندو واحدة قالت ليه ارا ليا شي دجاجة فيها 2 كيلو...الدري مكسل..شاف فدجاج وقال يللاه للي فيها 2 كيلو تنوض.
-هدا واحد مول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم.
-واحد قال لمو بغيت تزوج بوحدة بيضاء وطويلة وخدامة..قالت خد لك حسن ثلاجة.
-قال لك هذه امرأة ميريكانية..و فرنسية و مغربية..سولوهم على الحاجة اللي شرطوا على الراجل و حققها..
-الميريكانية قالت: أنا النهار الأول قلت له ماكنعرف نطيب..النهار الثاني ماشفت والو..النهار الثالث جاب طباخة..
-الفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون..
-المغربية قالت: أنا النهار الأول قلت ما كتعرف نطيب و لا نصبن..النهار الثاني ماشفت والو..النهار الثالث..وليت كنشوف شويا بالعين اليمنية......
-هدا واحد السكيري هاز قرعة ديال الروج شاف البوليسي وهو ايخبيها.. وهوا يجي عندو البوليسي قاليه..اش داكشي اللي مخبي قاليه السكيري لا والو غا اللبن ومع لخلعة وهيا طيح ليه القرعة ديال الروج وتهرسات وهوا يقوليه البوليسي هذا هو اللبن ومالو حمر..قاليه السكيري لا والله اتا لبن غاشافك وهوا يتزنك.
-هادا واحد معندو زهر بغا يقطع الشارع دربتو طوموبيل جات لابلانص ملي كانت مشا بيه دربها الرموك مات السيد ملي الروح ديالو طلعات درباتها الطيارة
-واحد المرا مشات عند الشوافة..تسبب لراجلها خمس شهور مبان ضربها بغبرة..تسحر ليها باش ترجعوا .. طلبات منها تجيب ليها شي حاجة من حوايجو ..دات ليها قميجتو(قميص)..وقالت ليها غي كوني هانية من هنا أسبوع غادي يبان..نهار السابع سمعات الدقان في الباب..فتحات وهي تلقى كٌاوري (أجنبي)..
قالت ليه : شكون بغيتي أسيدي ؟
قال ليها: بغيتك انتي -القميجة ديال البال- (مستعملة).
واحد قال لمو بغيت تزوج بوحدة بيضاء وطويلة وخدامة..قالت خد لك حسن ثلاجة.
